АЪЗАМ АЛИЗОДА РАИСИ ФЕДЕРАТСИЯИ ФУТБОЛИ НОҲИЯИ МАСТЧОҲ ИНТИХОБ ШУД
Дар конференсияи Федератсияи футболи ноҳияи Мастчоҳ, ки 29 январи соли 2022 бо иштироки иҷрокунандаи вазифаи раиси ноҳияи Мастчоҳ Аъзам Ализода ва муовини аввали Федератсияи футболи вилояти Суғд Хуршед Ақдодов баргузор гардид, Аъзам Ализода раиси аъзои Федератсияи футбол, Хусравбек Ҷаҳонгиров муовини аввал ва Ботурхӯҷа Ҳоҷиев муовини Раиси Федератсияи футболи ноҳия интихоб шуданд.
Муовини аввали Федератсияи футболи вилоят Хуршед Ақдодов Аъзам Ализодаро барои интихоб гардидан ба раисии Федератсияи футболи ноҳия табрик гуфта намуд, ки солҳои охир футбол дар ҷумҳурӣ таҳти сарпарастии Президенти Федератсияи футболи Тоҷикистонки муҳтарам Рустами Эмомалӣ рушд карда истодааст.
Зикр гардид, ки дар доираи “Барномаи рушди футбол дар деҳоти Ҷумҳурии Тоҷикистон барои солҳои 2021-2024” иштироки дастаҳои футболи ноҳия дар лигаҳои гуногуни мамлакат ва барои пешбурдан ва мусоидат намудан дар рушди футболи кудакону наврасон тадбирҳои зарурӣ андешида мешавад.
Дар навбати худ Раиси ноҳия Аъзам Ализода миннатдории худро ба роҳбарияти Федератсияи футболи Тоҷикистон, Федератсияи футболи вилоят баён намуда изҳор намуд, ки барои иштироки дастаи ноҳия дар мусобиқоти Лигаи дуюм аз ҳама имкониятҳо истифода бурда барои роҳхат гирифтан ба Лигаи якум кӯшиш хоҳанд кард.
Зикр карда шуд, ки дар ноҳияи Мастчоҳ барои рушди футбол тамоми имкониятҳо фароҳам оварда шуда, футболбозони ноҳия аз чунин дастгириҳо руҳбаланд гардида, барои ноил шудан ба комёбиҳои шоиста дучанд талош менамоянд.
Дафтари матбуоти
Раиси ноҳияи Мастчоҳ