СОМОН МАҲМАДБЕКОВ ДАР БОЗИҲОИ ОЛИМПӢ БА ТОҶИКИСТОН МЕДАЛ ОВАРД!

Сомон дар даври аввал озод буда, дар марҳилаи дуюм бар Фарес Бадавии фаластинӣ ва дар рақобати баъдӣ бар Франк Де Вит аз Нидерланд пирӯз шуд.

Дар даври ¼-ниҳоӣ варзишгари тоҷик бо Тато Григалашвили аз Гурҷистон гӯштин гирифта, аз ӯ шикаст хӯрд ва ба марҳилаи тасаллобахш рафт.

Дар марҳилаи тасаллобахш Сомон бар варзишгари Узбекистон Шарофиддин Болтабоев ғолиб омад.

Варзишгари тоҷик бо ҷудочии Италия Антонио Эспозито рақобат намуд ва ӯро мағлуб карда, соҳиби медали биринҷӣ гардид.